Hvenær fattaðir þú að þú værir fötluð?

Ég fattaði það aldrei eiginlega, það kom bara með aldrinum að ég skildi að ég var ekki alveg eins og aðrir.  Þegar ég var í 1. bekk sagði bekkjarbróðir minn við mig: Ég er sko skotinn í þér, þó þú sért svona.  Ég hugsaði með mér að hvernig væri svona.  Það kom þó sá dagur að ég áttaði mig á því að það að vera í hjólastól, með brothætt bein og geta ekki gengið væri að vera fatlaður.  (svona)