Hvernig fannst þér fyrirlesturinn?

24. nóvember 2006 17:35

Borgarholtsskóli og tilkynning fyrir áhugasama

Þá er annarri heimsókn í lífsleikni í Borgarholtsskóla lokið og gekk hún sómasamlega.  Ég fór í þrjá hópa og voru þeir hvor öðrum skemmtilegri.  Það var mikið, pælt, spurt og hugsað og fannst mér alveg frábært að kynnast svona opnum hópum aftur í þessum skóla.

Nú eru komin rólegheit í fyrirlestrana framyfir áramót.  Ég mun halda fyrirlestur hjá Hjartaheill og einnig á sérnámsbraut fyrir fatlaða nemendur í Borgó.  Ég segi ykkur frá því þegar þar að kemur svo að ekkert hætta að fylgjast með.  Ég ætla að vinna í að bæta meiri fróðleik inn á síðuna á meðan svo að vonandi verður hún enn öflugri þegar næsta önn hefst.

Ég vek athygli á því að ef grunnskólar, fyrirtæki, stofnanir eða samtök hafa áhuga á fræðslunni Það eru forréttindi að lifa með fötlun nú í desember á meðan ég er í framhaldsskólapása hvet ég þá til að hafa samband við mig á freyja@forrettindi.is.

Eigið góða helgi og kæri Borgarholtsskóli, takk fyrir mig í bili!  Endilega kíkið á myndaalbúm.

Freyja Haraldsdóttir

Til baka

Yfirlit frétta